Ο σύμβουλος Κρήτης Marco Barbo παραχωρεί στον Pietro da Fermo, τον Albertino Stravo da Porto Lignago και τον Simeone de Pirano μια καβαλαρία (από δύο σερβενταρίες ο καθένας) στην Ιεράπετρα, η οποία ανήκε παλαιότερα στον Marco Signolo και είχε περιέλθει στο δημόσιο. Οι νέοι ιδιοκτήτες οφείλουν να κατοικούν στο κάστρο της Σητείας.

Nos quidem Marcus Barbo de mandato illustri domini ducis Veneciarum rector Crete per virtutem et potestatem quam habemus a domino nostro Iacobo Teupulo Dei gratia inclito duce Veneciarum per certam commissionem regendi insulam Crete et omnia exercendi que nobis utilius apparuerit et dictam insulam ordinandi manifestum facimus per nos et nostros successores, quia damus et concedimus tibi Petro de Firmo et Albertino Stravo de Portu Lingnago et Simeoni de Pirano et vestris heredibus miliciam unam in Çirapetra, que quondam fuerat Marci Siniolo et nunc erat in nostro comune expedita, cum omnibus suis racionibus et pertinenciis, villanis, possessionibus de iure pertinentibus illi milicie; hoc est quod quilibet vestrum debet habere serventarias II et defendere personaliter cum arma ferri et equo uno et insuper facere propriam habitanciam in castello Sithee et vardiam unam vel facere fieri vardiam dictam in ipso castello semper et sic ut superius continetur; iurastis attendere et observare bona fide et sine fraude et termini de obediencia et omnibus aliis capitulis, salvis capitulis concessionis. Data de mense iulii, MCCXXXVI, indicione VIIIIa, per manum Proquardini ducatus Crete cancellarii. Tamen cum tali ordine debetis habere ipsam miliciam, quod si de possessionibus vel villanis fuisset datum alicui, quod ex inde restaurum debeatis habere convenienter, aut fuerint francati similiter, si villani sunt mortui et non habeant filios vel filium masculos, debetis habere cambium et restaurum de agraphis alicui non pertinentibus.