Με την έγκριση του δούκα Κρήτης Federico (Belletto) Giustinian, ο Simone Marcello και ο Bertucio de Bonata συμφώνησαν να κτίσουν τοίχο ανάμεσα σε κατοικίες τους στον Χάνδακα με συγκεκριμένες προδιαγραφές για κοινή χρήση.

Simeon Marcello et Bertucius de Bonata ad talem concordiam devenerunt quod dictus Simeon tenetur suis omnibus expensis ad presens laborare murum qui est inter ipsum et dictum Bertucium, videlicet tantum quantum est camera illa que confiniat super calli qui est versus borreas de lapidibus et calce. Et a duobus annis nunc proxime venturis completis in antea quandocumque dictus Bertucius voluerit laborare totum residuum muri qui remanet ad laborandum, silicet illum qui est inter ipsos, tenetur idem Simeon solvere medietatem omnium expensium et tam murus dicte camare qui nunc debet laborare quam totum residuum qui est inter eos remanet comunis inter eos ad faciendum omnes suas utilitates, excepto quod nullus eorum per se nec per alium possit umquam facere aliquam balchionem nec fenestra in dicto muro. Actum est Candide de mandato magnifici domini Federici Iustiniano dicti Belleti duche Crete et sui consilii per manum Benedicti Saxo notarii. Anno ab incarnacione Domini nostri Ihesu Christi MCCCVII, mense aprilis, die XXVI intrante, indicione Va.