Ο σύμβουλος Κρήτης Domenico Orio παραχωρεί στον Pietro Simone μια σερβενταρία, την οποία είχε αγοράσει από τον Valfredo Francesco.

Nos Dominicus Aurio consiliarius cretensis, rector Candide cum nostro consilio damus et concedimus Petro Simeoni habitanti Candide et heredibus eius unam de predictis duabus sergentariis, que fuerunt Valfredi Francisco, cum habenciis et pertinenciis ac villanis ad eamdem sergentariam de iure spectantibus. Quam sergentariam idem Valfredus iam dudum ipsi Petro Simeoni vendidit. Ipse vero Petrus Simeon tenetur eam defendere vel defendi facere simul cum alio suo feudo. Iuravit itaque concessionem et cetera capitula, prout consuetudo curie cretensis requirit. Hec igitur per nos et successores nostros rata et firma volumus perpetuo permanere. Actum anno MCCLXXVII, mense iulii, die XIIII exeunte, indicione Va.