Ο δούκας Κρήτης Andrea Dandolo παραχωρεί στον Pietro Corner του Giovanni επτά σερβενταρίες, τις οποίες ο Giovanni είχε αγοράσει από την Marina/Maria κόρη του Giacomo Zuliano. Οι σερβενταρίες αυτές ανήκαν αρχικά στον Giacomo Zuliano και στη συνέχεια στον γιο του, Nicola Zuliano. Στη συνέχεια πουλήθηκαν σε δημόσιο πλειστηριασμό για να εξοφληθούν τα χρέη των ιδιοκτητών τους και αγοράστηκαν από την Marina/Maria Zuliano.

Notum facimus nos Andreas Dandulo ducha Crete cum consilio nostro, quod ad nostram presenciam veniens nobilis vir Iohannes Cornario dictus Sclavus nobis intimavit, quod tempore predecessoris nostri nobilis viri domini Albertini Mauroceno duce Crete suique consilii fuerunt vendita feuda, que fuerunt olim nobilis viri Iacobi Iuliano et postea fuerunt Nicolai Iuliano filii sui, causa persolvendi debita tam ipsius Iacobi quam ipsius Nicolai filii sui. Et per publicum incantum fuerunt deliberate done Marine filie dicti Iacobi et sorori prefati N. suprascripte serventarie VII, quas postea predicta dona Maria supradicto Iohanni Cornario vendidit. Et cum nondum ei scripte essent in catastico, supplicavit nobis quod eas Petro filio suo scribi facere dignaremur, nos predicta sic vera per omnia cognoscentes damus et concedimus supradicto filio suo Petro suprascriptas VII sergentarias cum habenciis et pertinenciis omnibus ac villanis. Ipse vero tenetur eas servire personaliter. Iuravit fidelitatem domino nostro duci et cetera capitula. Actum anno Domini MCCLXXXXIII, mense marcii, die VIIII intrante, indicione VIIa.