Ο Sergio Venetando λαμβάνει από τον Martino Pasqualigo 10 υπέρπυρα για σύναψη colleganza.

Die eodem. Manifestum facio ego Sergi Venetando habitator Candide quia recepi cum meis heredibus a te Martino Pasqualigo habitatore in eadem Candida et tuis heredibus yperpera in Creta currentia decem, ad negociandum per terram et per aquam portando, mandando, laxando et recipiendo et cetera, secundum usum, a modo usque ad duos menses complectos. Et tunc vel antea tuum suprascriptum habere vel reliquum ducere vel mittere debeam tibi huc in Candidam et cetera. Et infra dies XV postquam ego vel tuum suprascriptum habere Candidam intravero, tibi dare debeam tuam suprascriptam capitaneam cum duabus partibus de toto prode quod inde Dominus michi dederit, retenta michi reliqua tercia parte ipsius prode. Rogatus complere et dare. Testes Petrus Lambardo, Paganotus clericus et Phylipus, filius Girardini riparii.