Ο magister Giacomo βεβαιώνει τον Pietro Michiel ότι, μέχρι τα Χριστούγεννα ή και νωρίτερα, θα του εξοφλήσει 28 υπέρπυρα για μια σερβενταρία που είχε αγοράσει από τον Raniere Dandolo.

Die XII intrante. Manifestum facio ego magister Iacobus habitator Candide cum meis heredibus tibi nobili viro Petro Micheli habitatori in Candida et tuis heredibus quod a modo usque ad festum Nativitatis Domini prius venturum vel antea debeam per me vel per meum missum dare et deliberare tibi vel tuo misso hic in Candida yperpera in in Creta currentia viginti octo, que tibi ad dandum steti pro Ranerio Dandulo ex precio unius sergentarie, quam ipse michi vendidit. Ad ipsum autem terminum vel antea tibi dare debeam tua suprascripta yperpera salva in terra. Set si ante suprascriptum terminum reciperem vel alius nomine meo reciperet illos denarios quos habere et recipere debeo a Porta pro meo soldo, ex tunc infra tercium diem suprascripta yperpera XXVIII tibi dare et solvere teneor, omni occasione remota. Testes Thomas Dondi, Phylipus, filius Girardini et Iohannes Truno.