O Θεόδωρος Σκορδίλης γιος και εκτελεστής της διαθήκης του Καπάδοκα Σκορδίλη Ψαρομηλίγκου παραχωρεί στον Κώστα Σκορδίλη, φυσικό γιο του Καπάδοκα και της Μαρίας Σανικοπούλας, το μισό χωριό Λιβάδια ως μέρος της πατρικής περιουσίας.

Die primo. Manifestum facio ego Theodorus Scordhili, filius et commissarius condam Capadhocha Scordhili Psaromilingo, habitator in turma Anopoli cum meis heredibus et successoribus, tam meo nomine quam nomine suprascripte commissarie, tibi Costa Scordhili, filio naturalis condam suprascripti Capadhoca patris mei, qui est filius Maria Sanicopula concubine sue, habitatori in casali nomine Livadhia et tuis heredibus, cum suprascriptus pater meus et tuus ad obitum suum me constituerit suum commissarium et in mea potestate dimisserit omnia bona sua et quod deberem dare illam partem que michi bonum videretur fìliis suis naturalibus de bonis suis et te invenerim bonum et fidellem versus me et fratres meos et pro ellimosina condam suprascripti patris mei do et concedo et imperpetuum transacto tibi illam partem que tibi venit de nostro casali nomine Livadhia usque ad casale nomine Vrascha, dividendo dictum casale Livadhia cum suis habentiis et pertinenciis et villanis per ratam et racionem inter filios et filias suos tam legittimos quam naturales, non faciendo unum melius altero uno obolo, cum omni plena virtute et potestate intromittendi, habendi, tenendi, possidendi, vendendi, dandi, donandi, dominandi, alienandi et ea et imperpetuum possidendi cum tuis heredibus, nemine tibi contradicente et omnes alias tuas utilitates in ea et ex ea faciendi sicut tibi bonum videbitur et placuerit. Sub pena yperperorum XXV et in sua permaneat firmitate. Testes Β. Lupin, Nicolaus de Misina, Nicolaus de Firmo, Deodatus et Hemanuel Agapito. Complere et dare. Non.