O Nicola Gradenigo νοικιάζει στην εβραία Πόθα, χήρα του Auraga, το σπίτι στο οποίο ήδη διαμένει, για άλλα 6 χρόνια, αρχής γενομένης από τον προσεχή Σεπτέμβριο. Καταβλήθηκε το ενοίκιο και των έξι χρόνων, ύψους 25 υπέρπυρων.

Die eodem. Manifestum facio ego Nicolaus Gradonico dictus Çarloto habitator Candide quia cum meis heredibus do, concedo atque afficto tibi Podhe iudee, relicte Avragha iudei, habitatrici Candide, illam meam domum positam in Iudeca, illam videlicet in qua habitas, a kallendis mensis setembris proxime venturi in antea usque ad annos VI proxime venturos, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi, in ea habitandi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Quam domum debes tu ad omnes tuas expensas in culmine tenere et conservare omnibus tuis expensis et aptare facere quandocumque necesse fuerit. Sciendum est quod de affictu ipsius domus tocius suprascripti termini secundum pactum inter nos habitum michi dedisti et persolvisti yperpera XV, de quibus te securum reddo imperpetuum et cetera. Completo vero termino suprascripto debes eam michi sicut tunc invenietur in culmine refutare. Sub pena auri librarum V et in sua permaneat firmitate. Testes presbiter Iohannes Tortorela et Iacobus de Spoleto. Complere et dare. Non.