Ο Giacomo Belli απελευθερώνει τον σκλάβο του Ιωάννη από την Σάμο και τους απογόνους του.

Die V exeunte. Manifestum facio ego Iacobus Belli habitator Candide cum meis heredibus tibi Iohanni de Samo sclavo meo et tuis heredibus ac notum vollo fieri universis presentem paginam inspecturis quia ob Dei reverentiam et amorem ac pro meorum remissione pecaminum, considerans esse opus maxime pietatis servos et sclavos a servitute perpetua liberare, facio te cum tuis heredibus liberum et franchum in perpetuum ab omni vinculo servitutis quo michi hactenus subiacuisti vel amodo subiacere debebas, ita quod amodo in antea liber stes, habites et ambules iuxta beneplacitum, nec alicui liceat te subiecionis vinculo subiugare. Qua propter defensioni sancte matris ecclesie te commendo. Quicquid autem tuo labore acquisisti vel amodo acquires, in tua et tuorum heredum utilitate et potestate permaneat et cetera. Sub pena consueta et contractu firmo. Testes Marinus Cornarius sartor et Leonardus Qualioto et Matheus Alivrando et Andreas de Brexano. Non.