Παραχωρούνται στον Πέτρο Νιώτη του ποτέ Νικολάου δύο σερβενταρίες στις τούρμες Κίσαμου και Άρνας, οι οποίες ανήκαν στον πατέρα του

Nos Marinus Baduario milex ducha Crete cum nostro consilio notum facimus cunctis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum ibi Chanee fuerint exclamate due sergentarie Petri Nioti, que sibi dimisse fuerunt per testamentum eius patris, quondam Nicole Nioti, posite in Kyssamo et Arena, et aliqui comparverunt dicentes super eis, et terminus ad faciendum eas scribi sit ita brevis, quod posset dicto Petro preiudicare, nos rogabat, ut dictas sergentarias super dictum Petrum scribi facere vellemus, salvo iure illorum qui super eis dixerunt, quorum iura suo loco et tempore cognoscentur. Quapropter damus et concedimus suprascripto Petro Nioti et eius heredibus suprascriptas sergentarias duas sibi dimissas per testamentum dicti patris cum omnibus ipsarum sergentariarum duarum habenciis, pertinenciis et villanis post clamorem inde factum secundum usum hic Candide nemine comparente, salvo iure illorum qui super eisdem dixerunt, ut dictum est supra. Quas quidem sergentarias duas ipse Petrus Nioti tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini MCCCXIIII, mense septembris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi