Παραχωρούνται στον Filippo da Molin και στον Rigacio Gradenigo φυσικό γιο του ποτέ ευγενούς Marco Gradenigo επτά σερβενταρίες στις θέσεις Αλμυρός και Καλαμίτσι, τις οποίες είχαν αγοράσει από τους εκτελεστές της διαθήκης του παραπάνω Marco Gradenigo

Nos Marinus Baduario miles ducha Crete cum nostro consilio notum facimus universis, quod a nobili viro Blasio Geno rectore Chanee recepimus litteras inter alia continentes, quod Phylippus de Molino et Rigacinus Gradonico filius naturalis quondam nobilis viri Marci Gradonico emerunt a commissariis dicti quondam Marci Gradonico serventarias septem ipsius quondam Marci, positas in Larmo et Calamici, que fuerunt quondam Petri Caucho, et quod ipsas predictis Phylippo et Rigacino scribi facere vellemus. Quare damus et concedimus cum successoribus nostris suprascriptis Phylippo de Molino et Rigacino Gradonico post clamorem inde factum et Candide et Chanee secundum usum predictas septem serventarias cum omnibus suis habenciis, pertinenciis et villanis, quas, sicut dictum est, ipsi emerunt a commissariis Marci Gradonico predicti. Tenentur quidem ipsi Phylippus et Rigacinus dictas septem serventarias defendere et varnire personaliter secundum usum Chanee, et iuraverunt fidelitatem domino nostro duci, nobis et successoribus nostris imperpetuum et capitularis obediencie, varnicionem et concessionem secundum usum curie Crete. Actum anno Domini millesimo trecentesimo quintodecimo, mense iulii, die primo, indicione quintadecima. Ego Iacobus de Iordano notarius et cancellarius Crete predicta scripsi