O Marco Tedaldo δανείζεται από τον Bertolotto Alivrando 100 υπέρπυρα για έναν χρόνο

Die eodem. Manifestum facio ego Marcus Todhaldo, habitator Candide, quia recepi cum meis heredibus a te Bartholoto Alivrando, habitatore in Candida, et tuis heredibus yperpera in Creta currentia C, que michi dedisti a modo usque ad unum annum complectum. Ad ipsum autem terminum tibi dare debeam tua suprascripta yperpera cum illo tamen prode, secundum quod per ratam et racionem proiecerit per centenarium habere Maioris Porte huius civitatis. Prode tamen non possit ascendere ultra XVI pro centenario. Testes Thomas Traversario et Pangracius Tervisano.